Zoram Today 30th May, 2024 (Thurs): Vawiin khan NH 302 Ngaihven Pawl, Tlabung chuan thuchhuah siamin, NH 302 (Lunglei to Tlabung road) hmalâkna hrang hrang an tarlang a. An thuchhuahin a tarlan danin, he kawng siam mek ah hian an phâk tawk leh theih tawk insêngsoin hun an pek thu leh mi inphalte zârah an pâwlin thla 2 em pawh ala tlin hmain, hmalâkna leh hlawhtlinna engemaw zat an hmu tawh thute, Deputy Commissioner, Lunglei pawhin Company lam leh stakeholder dangte hmaah kawng chungchânga an hmuh dan (findings) te pawh Power point presentation hial buatsaih tura an sawm thu an tarlang. 

NH 302 Ngaihven Pawl, Tlabung chuan, "Khawtlang mipui leh tlangdung khaw ṭhenkhat aṭang pawhin support-na ṭha tak kan dawng a, hetih mek lai hian kan hmalâkna nuihsawh leh diriam zawnga ZPM Block President pakhatin chapo taka, NH 302 Ngaihven tute hming ṭhenkhat lam ri chunga hah taka NH 302 kawngpui siam mek, ta neih taka ngaihven tute lo diriam a, alo nuih sawh hi kan dem hle a. He kawngpui tan hian eng thil ropui chiah nge he ZPM Block President hian alo tih ve tawh a, contribution eng anga ropui nge alo neih tawh leh hmalâkna alo neih ve tawh tih hi kan hre châk hle a ni," an ti.

"Khawtlâng leh ram tâna a ṭha zawnga hmalâkna awmte chu ruling party Block-te meuh chuan lo thlâwp a, kan thâ leh tui tih chak nan pawha min back-up leh support tlat kan lo rin em em lai opposition party MNF block te leh VC lam te'n support-na tilanga sum leh pâi nena min back-up lai kârah hian, mahni pride lo show nana hah taka hmalatute alo nuihzat hi kan demin, hetiang hi a thleng leh anih chuan engpawh lo tawng sela, ama cho chhuahah kan ngai ang tiin kan hrilh duh," tiin an thuchhuah ah an tarlang.

 NH 302 Ngaihven Pawl, Tlabung chuan, " ZPM party mi leh sa zingah pawh ṭhahnemngai leh mi inpe, min thlâwp tlattu, an hruaitu puite zingah pawh an awm ṭeuh laia an president ber chapo leh anihna hrelo lutuk hian khawtlâng tâna lungrual taka ke pên mektute rilru natna lo tilang tawhlo turin kan ngên tak meuh a ni," an ti bawk.